ពង្រឹងសមត្ថភាពសហគមន៍ ដើម្បីលើកស្ទួយជីវភាពប្រជាជន

 សហគមន៍នេសាទត្រពាំងសង្កែ ស្ថិតនៅភូមិ ត្រពាំងសង្កែ ស្រុកទឹកឈូ ខេត្តកំពត។ សហគមន៍នេសាទទេសចរណ៍ត្រពាំងសង្កែ ជាសហគមន៍អេកូទេសចរណ៍ធម្មជាតិមួយក្នុងចំណោមសហគមន៍ទាំង៩ក្នុងខេត្តកំពត។សហគមន៍នេសាទត្រពាំងសង្កែមានភាពរីកចម្រើនគួរអោយកត់សម្គាល់ដូចជា៖ មានផ្លូវបេតុ ផ្ទះស្នាក់ ទូកដឹកភ្ញៀវទេសចរណ៍ទៅកំសាន្ ដស្ពានព័ន្ធជុំវិញព្រៃកោងកាងនៅសមុទ្រ (មានសាលប្រជុំទើបតែធ្វើថ្មី) បែបនេះហើយទើបធ្វើមានភ្ញៀវទេសចរណ៍កើនឡើងជាលំដាប់ ដែលធ្វើអោយសមាជិកសហគមន៍មានមុខរបរ មានការងារធ្វើ ហើយបានកាត់បន្ថយភាពក្រីក្រ និងចំណាកស្រុក។

បើយើងក្រឡេកទៅមើលប៉ុន្មានឆ្នាំមុន សហគមន៍នេសាទត្រពាំសង្កែ រងផលប៉ះពាល់ដោយសារតែសមាជិកសហគមន៍ ពួកគាត់មិនទាន់មានការយល់ដឹងពីការនេសាទ​ដោយប្រើឧបករណ៍ខុសច្បាប់ដោយមិនដឹងពីផលប៉ះពាល់របល់ឧបករណ៍ទាំងនោះទៅលើមច្ឆាជាតិ និងជីវៈចម្រុះ ទើបបែបនេះហើយវាបានគំរាមកំហែងដល់ទិន្នផលនេសាទនៅសហគមន៍។

យ៉ាងណាមិញបើយើងក្រឡេកមើលបច្ចុប្បន្នវិញ សមាជិកសហគមន៍គាត់បានយល់ដឹងច្រើនជាងមុនដោយមានមន្រ្តីជលផល និងគណៈកម្មការសហគមន៍បានផ្សព្វផ្សាយពីឧបករណ៍នេសាទខុសច្បាប់។